SIFAT MANUNGSO

wus dadi sipate manungso

salahe wong liyo sithik katon nyata

ananging gedhe kaya ngapa

salahe dhewe ora tau rumangsa

ra tau ngrumangsani kekurangane

ra tau niti awake dhewe

malah nesu yen diduduhke salahe

anggepe dheke sing bener dhewe

Jakarta

Kaya ngene urip ing kutha gedhe

Golek pangan kena kanggo urip dhewe

Syukur-syukur ana sisa dicelengi

Golek dhuwit awak lali diopeni

Apamaneh nganti ninggal anak bojo

Rasa kangen nanging ora bisa mulih

Ing Jakarta nyilih dhuwite kancane

Piye maneh anggone bisa mbalekke

Jakarta kok koyo ngene kejeme

Jakarta ora kenal paseduluran

Jakarta bengi ya dianggo awan

Jakarta golek pangan dha rebutan

Ana ngomah senthong kosong gelondhangan

Turu mlungker selonjor ra ana sing nglarang

Ing Jakarta turune ana emperan

Cokot lemut turune dhesel-dheselan